Reijnsburchs angier-hoff

Bedanckingh aen 'sGraven-Haghe op 't Blayzoen.

DIe schrijven Ieught neemt aen, met goet bewijs en reden,
Van u ontfangh ick dit, in danck en waerdicheden,
'tKen-teecken of Blaeysoen dat ghy mijn over-gheeft
Uyt het vermaerde Hoff van Hollandt, ende Leden
Of Ondersaten van ons Prins Nassav beleeft;
Soo loflijck als sijn Faem al door de weereldt sweeft,
Soo loflijck vlieght u Faem, van mijn, door al de werelt;
Ja, dese waerde gift ghy mijn gheschoncken heeft,
In danck ontfangh, en acht, boven Gout of Geperelt.

't Komt uyt den Gheest.