Van enen eylande gheheten raso, daer hanctmen die
sieken.
Van desen lande gaetmen ter westerscher zee tot enen eylant, dat
heet rofo. Die liede van desen eylande, als haer vriende ziec sijn, si
hanghense an enen boem ende segghen, dat beter is datse die voghel eten danse
die worme eten souden, die so vule sijn inder aerden. Van desen eylande gaet
[Folio 102ra]
[fol. 102ra]
men tenen andren eylande, daer volc is van quader naturen,
want si voeden grote honden ende wennense ende lerense daer toe, dat si haer
vrienden verbiten, want si en verbeyden niet, dat si haers selfs doot steruen,
want si segghen, datse al te vele pinen souden liden. Ende als si aldus doot
ghebeten sijn vanden honden, so ghereiden sise oft venison ware ende etense dan
mit groter feesten.
Auteursrechtelijk beschermd