Refereynen ghepronunchieert opte intreden binnen der stede van Delft
(1581)–Anoniem Refereynen ghepronunchieert opte intreden binnen der stede van Delft–
Auteursrechtvrij
[Folio D2r]
| |
Hier ontfangt Rhetorica de Camer vanden Haghe.
Ga naar margenoot+Sulcke vreucht als Debora, Barack, in dien daghen // hadt
Ende gantsch Israhel met alle den vromen
Deur dat Iahel, Sisserani deur thooft gheslaghen // hadt
Vanden welcken elck veel drucx te draghen // hadt
En nv verlost waeren om sulcx niet meer te schromen
So verblijt zijn wy nv met ghy schoon Corenblomen
Dat ghy ons Met ghenuechten tot deser spatie
Lustlick besoeckt en lieflick zijt by ghecomen
Twelck ons een vreucht is en groote jubilatie
Ick bid v vertelt ons tot meerder recreatie
Tverstant van uwen Intree die ons aent boort // moet
En laet ons voor al t'welck best is by alle natie
Paeys houwen met eendrachtich accoort // soet.
| |
Verclaringhe vanden Intre vande Camer vanden Haghe.Kennis, die deur de Schriftuer ons was gheopenbaert
Heeft lang moeten duycken, onder Tyrannijs swaert
Eylaes, voor dees landen een groot verstranghen
Maer nae dat sy, dees Vyerighe harten hadt vergaert
Soo hebben sy deur haer, de waepens aenghevaert
Waer deur sy boose Tyrannij hebben gheuanghen
Dies stracx de Vrijheydt tonswaert nam haer ganghen
Hebbende de ghebroken boeyen inde handt
Hier toe Delft met grooten arbeyt en verlanghen
Principael ghedaen heeft de meeste onderstandt
Die als Atlas de werelt droech, en noch draecht vailliant
Met ghelt, schat, victuaillie, burghers en spijs
Die in noot bystant doet, is waerdich loff, eer en prijs.
| |
[Folio D2v]
| |
Nadien men den viant daer deur sach veriaeghen
En dat tSpaensche armey, vande zee was gheslaeghen
Soo heeft de Hollantsche Maecht wijs voordachtich
Met haer suster Zeelandt wetende svyants laeghen
Een eewich verbont ghemaeckt ende verdraghen
Malcanderen ghetrouw te blijuen eendrachtich
Waer deur, en deur sPrincen hulp den vyant prachtich
Ghecomen is in grooter vercleeninghe
Dies tgantsche Nederlant noch wert bevrijt waerachtich
Deur dese twee susters ghetrouwts vereeninghe
Een sonderling werck, buyten smenschen meeninghe
Al deur mede werckingh van Gods cracht diet al regeert
Wel vaertet tlandt, dat met malcander soo accordeert.
Hier deur soo floreert Saturnus nv spoedich
Dats den landtbouw, met coeren, vruchten oueruloedich
En al andre nootdruften in onse Landouwen
Neptunus gramschap is versacht seer goedich
Wiens stroomen deur Mars lang laeghen seer bloedich
De Schepen machmen ter zee veyllich betrouwen
Waeren en coopmanschap tcoempt al ouer behouwen
Dies Plutus de Godt der rijckdommen subijt
In dees Stadt zijn woontplaets heeft willen bouwen
Aensiende den goeden middel en bequamen tijdt
En dat den Viandt hem onse landen vermijdt
Waer deur neering, weluaert is in reputatie
Want tlandt wort rijck deur den Bouw en Nauigatie.
Om dan dees Prouintien te houwen in voorspoet
En dat Tyrannij niet meer en stort tonnoosel bloet
Soo moet Argus op ons wachten sonder beswijcken
Welck is goede toesicht seer nootelijck en goet
Mette Sorch diemen principael voor al hebben moet
Die hier deur haer, verthooning tperijckel doet blijcken
Want Mercurius veruolcht ons in alle wijcken
Die Iupiter wt seynt, om ons te betraepen
Soeckende hondert duysent listighe practijcken
Om Toesicht en Sorch met zijn spel te doen slaepen
Of met bedroch wt onse hant te crijghen twapen
Maer die eens bedroeghen is tselue lang ontheucht
Elck zy dit ghedachtich, en aenhoudtet Met Gheneucht.
Met Gheneuchten. |