Hoe hi Joseph openbaerde, die hem begroef. Dat .xli. capittel
Onse Heer scheide doe vanden Marien ende openbaerde Joseph die hem begraven hadde, die vanden Joden daer om inden selven avont ghevanghen was ende ghesloten in een camer vast toe gheseghelt, die na horen Sabboth meynden hem te doden. Daer om openbaerde hem onse Heer Ihesus ende maecte sijn aensichte reyn ende gaf hem een cussen ende leiden van daer in sijn eyghen huus, soe, dat die seghele daer die dore mede was gheseghelt, heel bleven. Sich, hoe onse Heer sijnre vriende niet en verghet noch die niet en laet, mar te sijnre tijt die troest ende helpt.
Auteursrechtelijk beschermd