Het prieel der gheestelicker melodiie

De Passione Christi ex Sancto Bernardo.

SAlue, Salue Iesu pie,
Fili Dei & Mariae,
Qui de Patre sine matre
Et de matre sine Patre
Natus es mirabiliter.

Salue cuius dulcis vultus

Immutatus & incultus
Immutauit suum florem,
Totus versus in pallorem:
Quem caeli tremit curia.

O quàm largè te exponis,

Promens malis atque bonis,
Trahis pigros, pios vocas,
Et in tuis vlnis locas,
Paratus gratis omnibus.

[p. 276]

 

O quàm pauper & quàm nudus,

 

Qualis es in cruce ludus,

 

Derisorum iocus factus,

 

Sponte tamen, non coactus

 

Attritus membris omnibus.

 

 

 

O mors illa quàm amara!

 

Quam immitis, quàm auara!

 

Quae per Cellam introiuit,

 

In qua mundi vita viuit,

 

Te mordens cor dulcissimum.

 

 

 

Amor tuus, amor fortis,

 

Quem non vincunt iura mortis:

 

O quàm piè me sub cura

 

Tua foues in pressura:

 

Ne mortis morsu vulnerer.

 

 

 

Quo amore vincebaris!

 

Quo dolore torquebaris!

 

Cum te totus exhaurires,

 

Vt te nobis impertires;

 

Et nos à morte tolleres.

 

 

 

Quid sum tibi responsurus?

 

Actu vilis, corde durus!

 

Quid rependam amatori?

 

Qui pro me elegit mori,

 

Ne dupla morte morerer.

[p. 277]

 

In hac cruce extensus,

 

In te meos trahe sensus:

 

Meum posse, velle, scire,

 

Tuae cruci fac seruire;

 

Me tuis apta brachijs.

 

 

 

Tuae sanctae passioni

 

Me gauderem interponi,

 

In hac cruces tecum mori,

 

Praesta crucis amatori,

 

Sub tua cruce moriar.

 

 

 

Da cor cordi sociari,

 

Tecum Iesu vulnerari:

 

Nam cor cordi similatur,

 

Si cor meum perforatur

 

Sagittis improperij.

 

 

 

O Maiestas infinita!

 

O egestas inaudita!

 

Quis pro tanta charitate

 

Quaerit te in veritate,

 

Dans sanguinem pro sanguine?