Het prieel der gheestelicker melodiie

Een ander

op de vvijse: alsoo’t beghint.

[p. 33]

ICk groet v sterre claer
Der zee, schoone verheuen:
O Moeder Godts voorwaer,
Reyn Maeght altijt ghebleuen:

Maghet goet// seer soet,

Maria goedertiere, Maget goet

V spoet,

Neemt ons in v behoet.

Ghy zijt des hemels poort’,

Ontfanght des Enghels groete:
Gheeft ons peys en confoort,
Verandert Euaens boete:      Maget, etc.

Ontbint de banden swaer

Van allen ons misdaden:
Het licht verleent ons claer,
Die blint zijn en beladen:      Maget, etc.

Wilt voorts oock alle quaet

Verre van ons veriaghen,
Alle goet metter daet
Verkrijgt naer v behaghen.      Maget, etc.

Thoont (Maghet) dat ghy zijt

Ons moeder hier beneden,
V Soon ghebenedijt
Ontfangh’ al ons ghebeden.      Maget, etc.

[p. 34]

 

O sonderlinghe maecht,

 

Saechtmoedichste van sinnen,

 

Neemt wech dat Godt mishaecht,

 

En maeckt ons reyn van binnen.

 

Maget, etc.

 

Maeckt onsen wech heel vry,

 

Ons leuen puer bequaeme,

 

Op dat wy Iesum bly

 

Aenschouwen eens te saeme.

 

Maget, etc.

 

Lof sy met aller feest

 

V Heere Godt den Vader,

 

V Soon, v Heylich Gheest,

 

Die dry zijt een te gader.

 

Maget, etc.