Het prieel der gheestelicker melodiie

☞ Een Liedeken van den Pater noster, ende den Aue Maria.

Op de vvijse: Soo diep in die groen heyden.

ONs Vader Godt ghepresen,
Die inden Hemel zijt,
Gheheylicht soo moet wesen,
V naem ghebenedijt,

Gheheylicht, etc.

[p. 6]

 

V rijck van grooter weerden

 

Laet kommen metter spoet,

 

In Hemel, en op eerden

 

Gheschi’ v wille goet.

 

In hemel, etc.

 

Wilt ons o Heer verleenen

 

(Coninck van machten groot)

 

Peys, vred’ en oock met eenen

 

Den kost tot s’levens noot.

 

Peys, etc.

 

Vergheeft ons Heer verheven

 

Al dat wy schuldich staen:

 

Ghelijck wy oock vergheven

 

Die ons hebben misdaen.

 

Ghelijck, etc.

 

En laet ons toch niet vallen

 

Oock in tentaci quaet:

 

Maer Heer verlost ons allen

 

Van s’vyants boosen raet, Amen.

 

Maer, etc.

 

ICk groet v vol van gracy

 

Sprack d’Enghel Gabriel,

 

Met v tot aller spacy

 

Is Godt Emmanuel

 

Met v, etc.

 

Want onder alle Vrouwen

 

Zijt ghy ghebenedijt:

 

Gheluckich die aenschouwen

 

V glori’ met iolijt.

 

Gheluckich, etc.

 

Ghebenedijt moet wesen

 

Iesus, ws lichaems dracht:

 

Door hem zijn wy gheresen

 

Al uyt des vyants macht.

 

Door, etc.

 

Amen.