Parnassus, dat is den Blijen-bergh

Een ander liedeken vande moeder Godts.

Op de wijse: O heylich eeuwich Godt.

Lof Maria seer reyn
Schoon suyver claer fonteyn
Godts tabernakel schoone
Wy menschen groot en cleyn
Loven u al ghemeyn
Met snaghen soet van toone.

Schoon als den dagheraet

Met Goddelijck cieraet
Is u licht claer in’t blincken
Want ghy altijt by-staet
Met troost vroegh en laet
Die om u loven dincken.

Ghy zijt ons levens vreucht,

Daer Godt in heeft verheught
Want boven alle vrouwen
Zijt ghy vol alder deught,

[p. 38]

 

Naest Godt ghy veel vermeught

 

Ghy helpt ons uyt benauwen.

 

Vol van ghenaden zijt

 

Ghy, oock ghebenedijt,

 

Maria hoogh verheven:

 

Dus segh’ ick onvermijt

 

Den ketters tot een spijt,

 

Iont ons het eeuwich leven.

 

 

 

Prince.

 

Princersse maghet wijs

 

Iarons bloeyende rijs,

 

Lof moet u altoos wesen

 

V zy eer’ enden prijs,

 

Naer ‘tCatholijck bewijs,

 

Reyn maghet uytghelesen

A.I.