Oud-Vlaemsche liederen en andere gedichten der XIVe en XVe eeuwen

[p. 77]

XX. [Mijn zin, mijn moet, mijns hertzen bloet]

Mijn zin, mijn moet, mijns hertzen bloet
Anich so minnenlijch gevuecht
Eewich an eene vrouwe goet;
Sonder verdriet het mir ghenuecht.

Met rechter minnentliker duecht.
Altoos ic om haer dincken moet;
El niet mijn hertz, mijn zin verhuecht,
So gheift mi tallen vruechden spoet.

Mijn zin, mijn moet, mijns hertzen bloet, enz.

Mochtic noch van haer sijn behoet,
Also mi minne an haer bewuecht,
Eer mi nature sterven doet,
So waric vro vul al der vruecht.

Mijn zin, mijn moet, mijns hertzen bloet, enz,