Oud-Vlaemsche liederen en andere gedichten der XIVe en XVe eeuwen

XIX. [Wel an, wel an, met hertzen gay]

Wel an, wel an, met hertzen gay,
Die der minnen knechten zijn;
In deere van der minnen vray
God groete haer lievelic anschijn.

[p. 76]

 

Willic ons zinghen een liedekijn,

 

Elc groete tsijn, ic groete tmijn.

 

Nu wilwi treuren avelaen;

 

Wel of, wel of, met drouven zinne,

 

Die niet ne draghen reine minne,

 

Die moeten bachten danse staen.

 

 

 

Heere God, nu geift hem hemelrijch,

 

Die ghestade bliven sal;

 

Met rechten trauwen minnentlijch,

 

Heift hi gheluc of ongheval.

 

Mijn lopen es sonder ghetal,

 

Dies es mijn hertze in vruechden al,

 

Ic wille haer bliven onderdaen;

 

Wel of, wel of, met drouven zinne, enz.

 

 

 

Here God, hoet ons vor de vileine,

 

Die aergher clappen dan si zien;

 

Sine hebben niet met ons ghemeine,

 

Soe si ons jonnen moet hem ghescien.

 

Met boser list si na ons spien,

 

Hoe nauwe dat wi van hem vlien,

 

Haer mi den wil ons vruecht verslaen;

 

Wel of, wel of, met drouven zinne, enz.