Oud-Vlaemsche liederen en andere gedichten der XIVe en XVe eeuwen

VIII. [Here God, of du mi gaefs een wensch]

Here God, of du mi gaefs een wensch,
So gavic elken man sijn boel,
Die met trauwen minne draecht.

So waer ic een die blijtste mensch,
Die nie up erde vruecht ghevoel.
Here God, of du enz.

Met rechte es sijn zin, erve ende cinsch,
Die nie ghewan sire hitten coel,
Des bluve arem man gheplaecht.
Heere God, of du enz.