Ons Erfdeel. Jaargang 18

[p. 707]

s.v. petersen

riversdal

Koddige sê-goed
En ligte gespot
Oor 'n man wat verbyloop
Met skewe kalot.

Bietjie-bietjie skinder
Met skuinsweg 'n skimp
En plek-plek 'n luide geskater
By duusman se wasgoed
Vuil in die water.

By die rivier
'n Nege-tal
Vroue wat kop aan kop
Wieg oor die water
Met seepsmeer en skerts
En vrywe en spoel...

Daar by die wal
By die rivier
Die nege-tal
Wassende wywe
Met wiegende lywe
Wat seepsmeer en vrywe...

(Uit: Die stil kind, 1948.)

Sê-goed = spreuken, woordenschat

Skinder = kwaadspreken

Duusman = de blanke.