[8]
In Balthasars tiden doe propheteerde Daniel ende seide dat dat rijc van Babylonien corts vergaen soude ende dat rijc van Assyrien, ende dat die macht van der werelt soude hebben dat rijc van Persen ende van Meden. Ende daerna soude regneren dat Griexe rijc mit Alexander. Ende daerna soude comen dat Roemsche Rijc. Ende dat soude alrelancste dueren.
Ende oec propheteerde Danyel van Antekerst: dat hi int eynde der werelt die macht over al die werelt sel hebben. "Want hi sel 3 coninghen verslaen, als die coninc van Affrijc, die coninc van Ethyophien ende die coninc van Egypten. Die ander seven coningen die sellen in Antekerst genade gaen. Ende Antekerst sijn regnaci sel dueren 3½ jaer. Ende dan sel hem God doden opten berch van Olyveten." Noch propheteerde Daniel voel meer, als sijn boec der Prophecien uutwijst.
Auteursrechtelijk beschermd