en riep u niet. Gaet leggen slapen." Ende Samuel ghinc doe leggen slapen. Doe riep God Samuel anderwerven. Samuel stont op ende ghinc tot Helij ende seide: "Hier ben ic. Waerom roep gi my?" Doe seide Helij: "Soen, ic en riep u niet. Gaet weder leggen slapen." Doe ghinc Samuel weder leggen slapen ende en docht niet dat hem God riep. Ende God die riep noch dordewerf: "Samuel! Samuel!" Noch stont Samuel op ende ghinc tot Helij ende seide: "Here, hier ben ic. Waerom roep gi mi?" Doe verstoet Helij dat hem God riep ende seide tot Samuel: "Gaet slapen. Wort gi weder geropen, so segt: Heer, hier ben ic. Het hoert uwen knecht." Doe ghinc Samuel weder slapen in sijn stede. Ende God die riep hem noch ende seide: "Samuel! Samuel!" Doe seide Samuel: "Here, spreect. Het hoert uwen knecht." Doe seide God tot Samuel: "Siet, Ic sel al doen dat Ic geseit hebbe van Helij, want sijn huys sel tenietgaen, omdat hi die quaetheit sijnre kinderen bekende ende dat hijse niet scarpelic en corrigierde ende lietse begaen. Daerom sel sijn huys teniet gaen." Doe bleef Samuel leggen slapen tot des morgens toe. Ende doe dede hi die doren van dat huys Gods open.
Doe riep Helij Samuel tot hem ende seide: "Segt mi: Wat heeft God tot u gesproken?" Mer Samuel en dorstet hem niet seggen. Doe seide Helij:
Auteursrechtelijk beschermd