17 capittel
Na Sampsons doot stont dat lant van Ysrahel sonder rechter ende sonder hertoge. Ende si afterlieten die wet Gods ende deden dat si wouden doen.
Doe was daer een man van Effrayms geslacht ende sinen naem was Micha. Die seide tot sijnre moeder: "Gheeft mi een deel sulveren penningen: die heb ic Gode geloeft." Doe gaf hem sijn moeder 200 sulveren penningen. Ende die gaf hi een goutsmit. Die goet hem daerof silveren beelden. Ende doe maecte hi enen tempel ende sette die beelden daerin. Ende hi maecte een biscopsroc, die ephod hiet. Ende oec maecte hi papengewade ende maecte een van sinen kinderen priester.
Doe was daer een jongelinc van Bethleem, van Levijs geslacht. Die toech vandaer om avontuer ende quam tot Mycha. Doe vraechde hem Mycha van waen dat hi quam. Doe seide hi: "Ic ben een levijt ende coem van Bethleem om te besien waer ic den cost ende cleder mach verdienen." Doe seide Mycha:
Auteursrechtelijk beschermd