jegen die van Amon." Doe seide Jepte: "Sidi niet die mi hatede ende verjaechde mi uut mijns vaders huys? Ende nu gi belast sijt, nu coem gi tot mi om hulpe." Doe seiden die princen van Galaad tot Yepte: "Daerom comen wi tot u, omdat gi mit ons sout vechten jegen die van Amon. Ende gi selt here wesen over alle die wonen in Galaad." Doe seide Yepte: "Es dat waer dat gi daerom tot mi coemt, omdat ic voer u vechten soude jegen die van Amon? Ende of icse verwonne, soude ic dan u here wesen?" Doe andwoerden si ende seiden: "God, die Heer, die dat hoert, die wees daer een getuuch of, dat wi u doen sellen dat wi u geloeft hebben."
Doe ghinc Yepte mit die princen in Galaad. Ende al dat volc coes hem tot enen prince.
Doe bereide hem Yepte te striden mit die van Galaad, van Manasses ende van Masfat jegen die van Amon.
Ende Yepte loefde God een lofte ende seide: "Est dat God mi die van Ammon in minen handen gift, soe wie mi eerst gemoet uut minen huse, als ic verwonnen hebbe ende wedercome mit vreden, die sel ic God in een sacrifici offeren."
Doe ghinc Yepte te stride jegen die van Ammon. Ende God gafse hem in sinen handen. Ende hi versloechse ende verjaechdese.
Ende doe Yepte tot sinen huse quam in Masfa, doe quam hem jegen sijn enige dochter ende speelde van blijscappen mit een bonge.
Doe Yepte sijn dochter
Auteursrechtelijk beschermd