bruederen." Doe gaf Josue den dochteren dat lant te besitten tusschen dat geslacht van Effraym ende half dat geslacht van Manasses.
Die van Manasses die en mochten die steden ende dat lant niet besitten ende bedriven dat hem toegescicket was, mer si lieten die van Cananeen onder hem bliven ende mit hem wonen om tribuyt die si gaven. Ende dat heeft God verboden.
Doe seiden dat geslacht van Joseph tot Josue: "Waerom heb gi ons dit lant gegeven tot onsen deel, daer wi dus in verbonden sitten ende God heeft ons gebenedijt ende gemenichvoudicht ende voel beesten verleent?" Doe seide Josue: "Heb gi voel volcs ende is u dit lant te cleyn int gebercht mit die van Effraym, so trect int busch ende wint lant onder die Pherezeen ende Raphim." Doe seide dat geslacht van Joseph: "Wi en mogen int gebercht niet comen, want die van Cananeen die hebben yseren wagenen die scarp snyden, daer si haer steden, haer lant mede bewaren." Doe seide Josue tot dat geslacht van Joseph, als van Effraym ende Manasses: "Est dat gi voel volcs hebt, so sidi starc. Ende hebt gi te luttel lants, so trect in dat gebercht ende vint daer lant daer gi in wonen moecht.
Auteursrechtelijk beschermd