Noordnederlandse Historiebijbel

34 capittel

Doe ghinc Moyses op den berch Nebo. Ende daer openbaerde hem God dat lant dat Hi Abraham, Ysaac ende Jacob beloeft hadde ende haer nacomelinghen. Doe seide God: "Dit is dat lant dat Ic u voervaderen geloeft hebbe te geven. Nu heb gijt gesien mit uwen ogen, mer gi en selt daer niet ingaen." Doe starf daer Moyses, die knecht Gods, int lant van Moab opten berch Nebo. Ende sijn lichaem wort begraven int dal van Moab. Ende nye en wist mensche sijn graf te vinden.

Doe Moyses starf, doe was hi out 100 ende 20 jaer. Ende sijn ogen en waren nye ver\duustert,

[fol. 81va]

noch sijn tanden en waren niet beroert. Ende die kinder van Ysrahel bescreiden hem 30 dagen lanc.

Josue die was vervolt mit den gheest der wijsheit. Ende die kinder van Ysrahel waren hem onderdaen ende deden als hem Moyses bevolen hadde.

Ende nye en quam propheet onder die kinder van Ysrahel die also mit God sprac, mont jegen mont, als Moyses dede ende daer God also voel wonderlike wercken doir dede.

Hoc opus exegi, Cristo sit gloria Regi.

Explicit Deutronomium.

Et sic est finis, sit laus et gloria Trinis.

Scriptor scripsisset bene melius, si potuisset.

Qui scripsit scripta, sua dextera sit benedicta.

Hieran volcht dat boec Josue.