haer van haren hoefde ende salvense mit salve ende doen haer die clederen uut daer si in gevangen was. Ende si sel in u huus sitten een maent lanc ende bescreyen haer vader ende haer moeder. Ende dan so moech gi daerbi slapen ende nemense tot enen wive. Ende ist dat si u daerna niet en genoecht, so laetse vri van u gaen. Ende gi en moetse niet vercopen.
Ende ist dat een mensche heeft twee wiven, een die hy mint ende een die hi haet, ende ist dat si beide kinder crigen, ende dat wijf die hi haet eerst kint crijcht, dat wijf die hi mynt daerna kint crijcht, die man en mach sijn ghoet niet gelijc delen dien kinderen. Ende hi en mach van dien geminden soen die outste niet maken. Mer die soen van die gehate die sel tweedeel hebben van den guede, want hi is die eerstgeboren.
Est dat een mensche een kint wint ende verleemt of manc is, ende als dat kint opcomt, wilt dan sijns vaders ende sijns moeders gebot niet horen ende hem onderdaen wesen, mer versmeet hise, so sellen si die knecht nemen ende leden tot den rechter ende tot den outsten van der steden ende seggen: Dese onse soen is manc ende verleemt ende en wil ons niet onderdanich wesen, mer hi versmeet onse geboden ende leeft ydelic in sonden: in oncuuscheit ende in gulsicheit. So sel dat gemeen
Auteursrechtelijk beschermd