15 capittel
Doe seide Moyses: "Dat sevende jaer sel gi vieren. Ende dat sel wesen een jaer van blijscappen. Ende hout die wet, gelijc datse u geboden is te houden, so sel u God gebenedien. Ende gi selt voel volcs beheren ende u en sel nyement beheren. Ende ist dat yement van uwen broederen verarmt die onder u woent, coemt hem te hulpen van den uwen. Ende en keert u ogen niet van hem, mer bescuttet heymelic sijn gebrec ende wacht u wel dat gi tot uwen armen brueder niet en segt: Wacht, dat sevende jaer van blijscappen sel comen; dan sel men u versien. Wilt niet weygeren als men u wat bidt, opdat die armoede der menscen over u niet en roept voer God. Ende en siet niet an sijn cloecheit noch sijn behendicheit, mer verlicht hem sijn armoede, opdat u God gebenedie in al uwen wercken daer gi die hant an slaet. Ende die armen sellen altoes
Auteursrechtelijk beschermd