mijn vianden sout vermaledien. Ende gi hebtse driewerven gebenedijt. Gaet weder thuuswaert. Ic hadde opgenomen: had gi mine wille volbrocht, ic soude u groet eer gedaen hebben." Doe seide Balam tot Balach: "Ic seide u boden, die gi tot mi gesent hadt: Al gave gi mi u huys vol gouts ende silvers, so en mocht ic niet afterlaten die woerden mijns Gods. Mer wat Hi gesproken wil hebben, dat spreke ic." Doe seide Balam: "Orietur stella ex Jacob et exurgat virga de Ysrahel. Daer sel een sterre opgaen uut Jacob ende daer sel een roede groeyen van Ysrahel. Die sel verslaen die hertogen van Moab ende woest maken die kinder van Seyr. Ende dat lant Ydumea sellen si besitten ende Amelech tenietmaken. Mer daerna sellen die van Assyrien comen ende vangen die van Ysrahel. Wee dengenen die dan leven, als dat gesciet! Daerna sellen die van Ytalien comen ende destrueren Assyrien, ende die Ebreeusche ende die van Ysrahel ende Jherusalem tenietmaken."
Ende doe Balam dit geprofeteert hadde, doe gaf hi Balach enen quaden raet ende seide: "Wil gi dat die kinder van Ysrahel gheplaecht worden, so sent scone vrouwen onder hem mit spise ende mit dranc. Ende laetse die kinder van Ysrahel vrientscap doen, so sellen sise begeren. Mer laetse haren wille niet doen, tensi dat
Auteursrechtelijk beschermd