21 capittel
Doe seide God Moyses die wet, die die kinder van Ysrahel souden houden. Ende Moyses screef die wet in een rolle. Eerst seide God, hoe si hoer knapen ende joncwiven hueren souden ende hoe si hem dienen souden. Ende of die kinder van Ysrahel vochten, hoe men dat rechten soude: doot voir doot, oech voir oech, tant voir tant, een lit voir een gelijc lit. Mer gesciede dootslach onwetende of onnoeselic, daer stont een ander recht toe. Ende of een beest een mensche dode, hoe men dat rechten soude. Ende of een mensche een put dolve ende niet om en beheynde, hoe men dat rechten soude of daer een beest in verdronke. Oec geboet God voel vreemde dingen van der joden wet die al niet en dienen. Daerom laet icse afterbliven.
Auteursrechtelijk beschermd