6 capittel
Doe sprac die Here tot Moyses ende seide: "Ic ben die Here, die Abraham, Ysaac ende Jacob openbaerde, God almachtich, in minen naem Adonay. Ic hebbe vrede mit hem geset, dat Ic hem sel geven dat lant van Canaan. Ic hebbe nu gehoert dat suchten der kinder van Ysrahel ende gesien, hoe si bedruct worden. Daerom, sect den kinder van Ysrahel, dat Ic die Here ben, diese leiden sel uut den kercker der Egipcien. Ende Ic selse onder u vergaderen. Ende Ic sel u God wesen."
Doe sprac God tot Moyses ende seide: "Gaet tot coninc Pharo ende sect hem dat hi die kinder van Ysrahel laet varen uut sinen lande." Doe seide Moyses: "Here, siet, die kinder van Ysrahel en horen mi niet. Wat soude mi dan Pharo
Auteursrechtelijk beschermd