vrucht van haer wil verlenen." Doe sliep Jacob bi Balan ende si ontfinc kint. Ende doe dat kint geboren wort, doe seide Rachel: "God heeft mijn stemme gehoert: `Dans michi filium', ende heeft mi enen soen gegeven." Daerom noemden si hem Dan. Ende Balan die brocht noch een soen voert. Doe noemde Rachel dat kint Neptalim. Lya die sach dat si geen kinder meer en droech. Doe dede si Zelpha, haer dienstmaecht, bi Jacob slapen. Ende si creech een kint ende noemde dat Gat. Ende daerna brocht Selpha noch een kint voert ende dat noemde Lya Azer.
Ruben die ghinc op een tijt in den oest op den acker, doe men die tarwe maeyde ende daer vant hi twee mandragoren. Die gaf hi Lya, sijnre moeder. Doe seide Rachel: "Gheeft mi een deel mandragoren uwes kints." Doe seide Lia: "Wat recht heb gi daertoe? Gi hebt mi minen man genomen. Ende wil gi nu mijns kints mandragoren nemen?" Doe seide Rachel: "Geeft mi die mandragoren. Ic laet Jacob te nacht by u slapen." Doe gafse Lya over. Des avonts doe quam Jacob van den acker. Doe ghinc hem Lya jegen ende seide: "Gi selt te nacht by mi slapen, want ic hebbe een overdracht gemaect mit Rachel om mijns kints mandragoren." Doe sliep Ja\cop
Auteursrechtelijk beschermd