Niederrheinische Liederhandschrift von 1574

[Gantz lustigh ist spacieren ghan]

[fol. 128r]

 

1

 

Gantz lustigh ist spacieren ghan,

 

Lieblich bei Sonnenschein

 

Weis mir ein Junffreulein hůbsch vnd fein,

 

Mit der ich wilß got heůt

 

Von hertzen frolich sein

 

Jn Eynem wůrtzgertelein

 

Spacieren Vmbfhoiren,

 

Den lieben langen tagh

 

Den jch zů sulchenn Junffreůlein,

 

Herzlich verlangen tragh.

 

 

 

2.

 

Vnd den wen jch so balt ich kom,

 

Vnd klopff so leiß Daran

 

Meiner freůt sich das Megtlein schon,

 

Mir wird balt aufgethonn

 

Mit nicht sie mich verschmecht

 

Sonder mich freundlich vmbfecht

 

Gantz freundtlich holtselich

 

Beůt sie mir Jhr hendtlein warm

 

Alß den zům Zeugnis grůes ich sie,

 

Nim sie freundtlich Jn arm.