Niederrheinische Liederhandschrift von 1574

[fol. 81r]

[Nü schein dů liebe sonne]

1. Nü schein dů liebe sonne,
schein vns deinenn hellenn schein
Vnnd schein vns beide liebger zůsammen,
die gernn bey einanderenn sein.

2. So vern vur ginnem walde
ligt sich einn dieffer schne,
Der schne kahn nich verschmeltzenn,
Gotts will der můes geschehenn.

[fol. 81v]

 

 

 

3. Gottes wil ist ergangen

 

verschmůltzenn ist der schne,

 

Got segenn dich Vatter vnnd můtter,

 

Jch sehenn eůch nimmermehr.

 

 

 

4. So vern in dieffen dalle

 

Wohnet sich ein můller stoltz,

 

Der maelet aůch alle morgenn,

 

das silber vnnd roetes goelt.

 

[fol. 82v]

 

 

 

5. Het ich des goldts ein seckelein,

 

zů einem goelt ringelein,

 

Das woelt ich meinem boelenn schencken,

 

Das were der wille mein.

 

 

 

5. Wolt mir mein boele schenckenn,

 

Vonn goelt ein Ringelein,

 

So wolt ich im wedermachenn,

 

Vonn Perlenn einn krentzelein.

 

[fol. 82v]

 

 

 

6. Das solt der liebster dragenn,

 

Woll umb den willenn mein,

 

So vern in ginnem walde,

 

dar licht sich ein Kloesterlein,

 

Dar gibt mahn zwey zů samen

 

Die gernn bey einanderenn sein.

 

 

 

7. Der vns dis liedlein thedt singenn,

 

Einen Stůdenten thed sey freien,

 

Sey war gar heůpsch vnd fein,

 

sey qůaemen mit not zůsamen

 

Es kost sey můeh vnd pein.