Niederrheinische Liederhandschrift von 1574

[fol. 80r]

[Reich Gott wem soll ichs klaegenn]

1. Reich Gott wem soll ichs klaegenn,
Vnnd klaegen meine not,
Mein herz ist mir důrschossen,
Důrchwůndt bis in den todt,
mit brennender liebtenn vmbfangenn,
gleich einenn groenen Zweigh,
mit laůber ist er vmbfangenn,
woll inn des meies zeit.

2. Hertzlieb daran wilt gedenckenn,
vnnd recht betrachtenn thůenn,
Das ich nicht von dir weichenn,
Dweill ich das leben han
Dů bist allein vnnd annders kein,
Die ich hab in meinem sin,
thůe dů mir dergleichenn,
dein eigen so wol ich sein.

[fol. 80v]

 

 

 

3. Der baům der můes verdoerenn,

 

der kein wůrtzell nicht hat,

 

Die li[eb]te wirdt balt verstoeret,

 

die nicht ins hertz en gaet,

 

Die wůertzell ist mir gewachsenn,

 

Woll in das hertze mein,

 

wer sey mir daraůs wil graebenn,

 

Der nimpt mir das leben mein.