Niederrheinische Liederhandschrift von 1574

[fol. 60v]

[Jch zempt mir einen Falcken]

1. Jch zempt mir einen Falcken,
vill langer als siebenn Jahr,
Er ist mir wilt gewordenn,
Jch můest ihnn fliegenn lohenn

2. Er flogh mir also ferne
So fern in frembde lanndt,
Zů einer zart schoener Jůngkfrawenn,
vf ihr schne weisse handt.

[fol. 61r]

 

3. Biß mir goidt Willekom kommenn,

 

Dů kleines Waltfoegeleinn

 

Noch dir tragh ich verlangenn,

 

Jnn dem Jongenn freihenn hertzenn mein.

 

 

 

4. Dragstü noch mir verlangenn,

 

Jn dem Jongenn freien hertzenn deinn

 

So verlaes dů vatter vnnd můtter

 

vnnd folgh mir feins lieb nach.

 

[fol. 61v]

 

 

 

5. Verlaiß ich dann vatter vnnd můtter

 

vnnd folgenn dir Feines lieb nach

 

So sprechen alle die leůden

 

Das wir zwey geliebtger sein.

 

 

 

6. Nu laeß sprechen, Nhů laes sprechen

 

Ein ieder wer sprechenn kahn

 

vnns beidt solt niemandt scheidenn,

 

Dan der bitter toedt.