Niederrheinische Liederhandschrift von 1574

[fol. 28v]

[Lieblich hatt sich gesellet]

1. Lieblich hatt sich gesellet,
meinn hertz inn kůrtzer frist
zů einer die mir gefellet
Gott weis woll wer sey ist
Sey liebet mich gantz inniglich,
die wůnder schoenste mein
Jnn trewenn ich sey mein.

2. Sei geleicht sich einen Engell
Die wůnder schoenste mein
Jr haer kraůß geill gesprengeltt
Jr můndtlein roett wie ein Růbein,
darzů eihn roedenn můndt
lachet freůndtlich zů aller stůndt.

[fol. 29r]

 

 

 

3. Sei erfrewett mir alles meinn gemůet

 

Die wůnder schoenste mein,

 

Darzů alles mein geblůede

 

Jr dienar wůltt ich seinn

 

mit wesenn gantz vnnterthoen

 

dweill ich das lebenn haen.

 

 

 

4. Mit Venůs pfeill důrchschoessenn

 

Das Jůnge hertze mein

 

Feins lieb, wie magstů mich laessenn

 

dein Eigenn will ich seinn,

 

Dein lieb krencket mich so hart

 

Jn allenn meinen sinnenn,

 

mein schoenste keyserinne.