Niederrheinische Liederhandschrift von 1574

[fol. 24r]

[Eß reidt ein weidmahn mit foeggehnn]

1. Eß reidt ein weidmahn mit foeggehnn,
důrch einenn groenen waldt
Was bgegenet im an der Awenn,
Ein Jůngkvrewlein gar woll gestaltt
Vonn Edlem stahm geboerenn,
Nach wůnsch war ihr leib gstalltt,
Nhů sag mir wolerzoegenn
Was seůsthů vůr den Waldth?

2. Vernem ich weidman ebenn
vnnd hoerenn einns weibes klagt
Vnnd hatt nicht sehenn schwebenn,
Ein asell vůr dem hag,
Aůs frembtem landt gefloegenn,
Dem gesellen vf sein handt
Las mir den Falcken,
darůmb ich so trawrich binn.

[fol. 24v]

 

3. Warůmb solt ich nit trawrenn

 

Es war einn Jůnger mahn

 

Den ich in hoher ehrenn,

 

lieblich aůsserwelett haben

 

Er hatt sich desses vermessenn

 

Ein Azell wolt zehen dahin

 

hoher art gesessenn,

 

Laes mir den valcken flegn.

 

 

 

4. Gesel ich raidt dir in trawenn

 

Laes mir die Asell fahrenn

 

Vff dich wilt sey nicht bawenn,

 

die lengt wirdt sey doch nit sparenn

 

Darbey gedenck leib mein

 

Wan sey ir loesheit zeůnet

 

Der Eůlen thoit sey schein.