Niederrheinische Liederhandschrift von 1574 (1574-1591)

Niederrheinische Liederhandschrift von 1574

(1574-1591)–Anoniem Niederrheinische Liederhandschrift von 1574– rechtenstatus

Auteursrechtvrij

Vorige Volgende



[Folio 22r]
[Ich hab so langh geiaget] 1. Ich hab so langh geiaget Bis ichs gefanngenn hab Noch einer die mir behagenn thuedt Eind Jůngkfrewlein ist lobesam, Jr traw hatt sey mir zůgesacht, Das Edle bildtlein reinn, mein traw hab ich ir weder ůmb bracht Sey ist mir vntherthoenn. 2. Vnd das vernomen die Nitter Die Kleffer vnnd die warenn qůaedt Vnns freůndtschaft woldenn sey brechen mit ihrem falschen rath Vinnin habenn sey aůsgegossen Recht wie die serpenten thůenn Es bleibt nicht vnngerochen Jch hoff es soll werdenn geloendth.
[Folio 22v]
3. O werder můndt meines hertzenn grůnndt Wes leidt das hertze mein Das ich dich Feinns lieb meiden můes Das ist mir ein schwere pein Freůdt friedt vnnd můet alle mein sin, Dů krencks mir all mein sinn Mocht ich bey dir alleinn sein Das wer der wille mein. 4. Jch mach ir nit misprisen Aller ehrenn is sei woll werdt Sey bloedt wie ein Roesgen roedt Ein Jůngkfrewlein ist woll geziertt Jr můndtlein roedt Jr aůglein klar, Lůchtenn als einn roedt rhobein, mocht ich bei ir ein Fremblein sein Das were mir kleine pein.
[Folio 23r]
5. Jch wil mein bloedt aůsgeissen, Recht wie der Pellecain thůedt, Mit seines selben bloede Erqůicket er seine Jůngenn vonn dem toedt Mit ihrem sůessen gesange Hat sey vmbfangenn mich, nach ir trag ich verlangenn, inn was landen das ich binn. 6. Jch hab ir offt ergeben, hertz můedt vnnd al mein sin Dweil ich hab das lebenn Solt ir mir die liebste sein Sey ist mir lieb zů aller stůndt Sey ist mein lieb alleine Das nem ick vf mein himmelfart das ich kein ander meine.
[Folio 23v]
7. Schoens lieb laß dich gedenckenn, das ich nicht bey dir kan sein Laes mir die trawe nit sencken die ich dir hab geleistt Dů bist mir aůsserkoerenn Woll in das hertze mein Mocht ich bey ir allein sein das were der wille mein.

Vorige Volgende