Niederrheinische Liederhandschrift von 1574

[fol. 19r]

[Jch ginck mit lůst důrch einenn waldt]

1. Jch ginck mit lůst důrch einenn waldt
Jch hoert drey Vogelen singen
Die Drouschell vnnd die Nachtegall
Sey singen all gleiche woll
Wie gern hoert ich sey singenn.

2. Vnd wie ich vur den gronenn waeldtt qůam,
da hort ich der fougell keine
Dar fandt ich nicht mehr als ein braůns medtlein fein,
Jch baedt es vmb denn willen sein,
Ein halb nach bey im zů schlaiffenn.

[fol. 19v]

 

 

 

3. Bei mich zu schlaffen kůmptstů nicht

 

Bey mir salstů nicht schlaeffen

 

Vnnd werdt ich dan ein kindtlein traegenn

 

Jnn aller schandenn můst ich staenn,

 

Mein Jungk hertz trawret sehre.

 

 

 

4. Vnd wurdestu dan ein Kindtlein traegenn

 

Darfůhr darfstů nit sorgen

 

jch stellen dir broedt ich stellen dir wein

 

Des kindtleins vatter will ich sein

 

jch will dir helffen zehen.

 

[fol. 20r]

 

 

 

5. Ich nam das medtlein mit weisser hanndt,

 

mir ihrenn schne weissenn henden

 

Er fůrt es vnnder die hagelenn doernn

 

Das medtlein hatt seinn krantzenn verloeren,

 

es traweret vnnd weinet sehre.

 

 

 

6. Nü schweig nu schweig vnnd nicht en schrey,

 

vnnd weine dů nicht so sehre,

 

nhů ganck dů deiner Můtter heim

 

Sprech dů seis gewest ahm Rhein

 

Reinsche roesenn hasthů gebroechenn.