Nieu jaar liedekens uyt ghegheven by de retorijck kamer t'Aemstelredam In lied' bloeyende



[Folio C3v]
Iaar-lied, 1598.
Op die wyze: Laestmael met so blyden sinne, quam ick etc. En tweervaers op: Daer en is maer een alleyn, die van mijne rosen reyn, pluycken sal een bladekijn. ALle volcken die hier leven Opter aerden wijs ghesint Vanden Leyster Goods ghedreven Om te soecken t'heylich kint Wilt ghy weeten waerment vint Gaet ootmoedich hier en daar Met u gavan menichvout Myrre Wieroock, ende Gout Offeren int nieuwe Iaar. Niet in hooch-verheven mueren Met pilaren opghebout Maer in laech vervallen schueren Van der beesten stallen out Daer soo menigh mensch vercout Leyt in druck en pijne swaar Treet daer inne met ootmoed Om haer van u overvloed T'offeren int nieuwe Iaar.
[Folio C4r]
Die het Broot niet voor den armen Dyt zijn nootdrust missen mach Met zijn asem ghae verwermen En vertroosten nacht en dach Op dat haer bedroeft gheclach Gheen mistroosticheyt en baar Om alzoo de myten cleyn Van het arme weeutgen reyn t'Offeren int nieuwe Iaar. PRINCE. Dopper Prins een Heer der Heeren Neemt niet in zijn oordel aen Die vernuftich practiseeren Om tverburghen te verstaen Maer die weldaet heeft ghedaen Doort gheloof in liefd eenpaar Die noemt hy ghebenedijt En belooft haer vreucht altijt Ewelijck nae tnieuweIaar. Elck doet zijn best.