Een Nieu geestelijck liedt-boecxken(1618)–Anoniem Nieu geestelijck liedt-boecxken, Een– Auteursrechtvrijinhoudende veel nieuwe Liedekens, die welcke noyt in druck en zijn gheweest Vorige Volgende Een ander nieu Gheestelijck Liedeken, beclaginghe in de persoon van yemant die door het inspreken, ofte ander goede vermaningen een afkeer ende mishagen van die Weerelt ghecregen heeft: op de wijse, Ick clage u Venus dierken alle mijn lijden groot. WIlt u met my bekeeren Weereltsche dienaers coen Tot Godt den Heer der Heeren Soo ick begheer te doen, Al ben ick jonck en coen Met veel zonden beladen Nochtans wil ick my spoen De weerelt te versmaden. Met den verlooren soone So sal ick nu op staen, [Folio D5r] [fol. D5r] Met vast betrouwen schoone Tot Godt mijn Vader gaen Hy sal my wel ontfaen, Door sijn groote ghenaden Want ick wil nu voort aen Die weerelt gantsch versmaden Ick socht des weerelts weelden En haer gheneuchte pleyn Ick dansten en ick speelden In ydelheyt onreyn Ick wandelden ghemeyn En hare brede paden, Maer nu wil ick certeyn Die weerelt gantsch versmaden. Hooveerdigh ick vercieren Mijn lichaem delicaet, Daer men ydelheyt hantierden, Daer was ick vroegh en laet Tot alle zonden quaet Wert ick als doen gheraden Nu wil ick metter daet Die weerelt gantsch versmaden. Doen ick so triumpheerden In alle ydelheyt Die weerelt my laudeerden Mijn eere wert verbreyt, Also wert ick verleyt, Door haer soete sucaden Maer nu ben ick bereyt, Die weerelt te versmaden. Haer lof sal ick afsnijden En versaken haer eer, Haer vreucht aen allen zijden En acht ick nu niet meer, [Folio D5v] [fol. D5v] Want ick soeck Godt den Heer Die my verlost van quaden, t'Is mijn begheerte seer Die weerelt te versmaden, Die werelt heeft mijn bedrogen Door haer wellusten sacht Mijn hert van Godt ghetoghen, By daghe en by nacht, Een Gheest wert ick gheacht Seer groot tot mijnder schaden, Maer nu heb ick ghedacht Die weerelt te versmaden. Ick heb meest al mijn daghen, Ghedient de weerelt soet, Dat sal ick nu beclaghen, Beschreyen met ootmoet Die penitentie doet Godt geeft hem sijn weldaden Dus wil ick met der spoet Die weerelt gantsch versmaden. Ick wil my gaen begheven, Tot alle deughde claer, Veranderen mijn leven Gheestigh ende eerbaer, Heer wilt mijn helpen daer, Al op der deughden graden, Want ick wil nu voorwaer, Die weerelt gantsch versmaden. Den Prins sal ick versaken, Van dese weerelt ront, Want hy moet eeuwigh blaken In der hellen afgront, Met Godt maeck ick verbont Die mijn ziel can versaken [Folio D6r] [fol. D6r] Als dat ick nu terstont, Die Weerelt sal versmaden. Vorige Volgende
Auteursrechtvrij