Een Nieu geestelijck liedt-boecxken

inhoudende veel nieuwe Liedekens, die welcke noyt in druck en zijn gheweest

[fol. C8v]

Een Gheestelijck Liedeken vant
Ave Maria.

AVe Maria, Gods liefste lief ydoone
Der Maeghden croone // Maria weest ghegroet
Gratia plena, claer is de sonne schoone
In s'hemels troone // vat vol ghenaden soet,
Der deughden volle vloet // een suyver hart ootmoet
Hebt ghy gebaert, Gods Soon ons hooghste goet.

Dominus tecum, die Heer zy met u eene
Suyver fonteene // vrou alder weerelt wijt
Benedicta tu, in muleeribus alleene
Alwaert ghy cleene ghy zijt ghebenedijt,
Gheen vroute geender tijt, soo saligh als ghy zijt
Noch soo verheven, van Godt tot vyants spijt.

Et benedictus tuus ghedanckt, ghelooft, ghepresen
Moet ghy altijt wesen, dat hooghweerdigh
Fructus ventris tui, dijn vrucht reyn uytghelesen
Wt Jesse ghelesen, Jesus Christus playsant
Die als een heer valiant // ons brac der hellen bant
Ende die ghevanghen brocht, in haers Vaders lant.

Sancta Maria Princesse, hoogh verheven croone
Edel ghebooren // van Davids saet,
Ora pro nobis, bidt voor ons die te vooren
Waren verlooren, verdoemt door zonden quaet,
Tot dat ons quam te baet // Jesus oock Advocaet,
Van u ghebooren // o schoone dagheraet.