Nieu groot Amstelredams liedt-boeck


[Seght my Godt en natuere]
Stemme, Alst beghint. Seght my Godt en natuere, Hoe mach dit comen by, Dat mijn Liefs aensicht puere Soo wit is? en dat sy Twee lipkens heeft al noch Schoon root sonder bedroch. En draeght oock in tghesichte Bruyn ooghskens schoon en claer? Wijnbraukens swart en dichte? Een reyn swartbloedich haer? waerom is sy verciert, En soo wel ghemaniert. Waerom is haer gegeven Een Godtlijck wesen goet? Daer toe een gheschickt leven End’ een eerlijck ghemoet? Die my tot aller tijdt Aendoen dus swaren strijdt.
[pagina 185]
Nochtans tot allen tijden Sa lick haer dienaer zijn, Al moet ick om haer lyden Verdriet en bitter pijn, want myn liefde is voorwaer Ghestadich end’ eerbaer.