Nieu groot Amstelredams liedt-boeck

Inhoudende Alderhande Tafel, May, ende andere Amoureuse Liedekens seer vermaeckelijck voor alle Ionge Lieden

[Gaet wt wilt vreucht aenvarden]

Op de wijse alst begint.

Gaet wt wilt vreucht aenvarden
Aurora comt op hant Phebo spant zijn paerden
En zijn waghen playsant
De bloemkens te bestieren
Met vreuchden menichfout
Ceres toont hare manieren dees Meys virtuyt aenschout

Aelos is u jonstich

Hy Aquilo bedwingt
Want die is seer afgonstich
Flora die nu volbrengt Bloemkens van alle couleuren
Men vintse schoon bedout

[p. 159]

 

Elck ghebruyckt zyn natuere

 

Dees meys virtuyt aenschout.

 

Ght amoreuse Geeste Behaelt nu prijs en lof

 

Comt al tot deser feeste

 

Buyten in Cupidoos Hof

 

Want men aldaer sal schieten Pijlen van loot en Goudt

 

Dus laet u niet verdrieten

 

Des meys virtuyt aenschout.

 

Haest u om daer te comen

 

V lief aldaer verwacht

 

wilt gheen perijckel schromen

 

Diana is op de jacht gaet niet u lief spanceren

 

Hier buyten int groene wout wilt met haer accorderen

 

Des meys virtuyt aenschout

 

Men sal vreucht oorboren Prince merckt meys virtuyt

 

Nimphen sult ghy hooren

 

Accoort van soet gheluyt

 

Wonder is daer gheschepen

 

Tghouts bloemkens daer onthoudt

 

Al uyt jonste begrepen

 

Des meys virtuyt aenschout.