Nieu groot Amstelredams liedt-boeck

Inhoudende Alderhande Tafel, May, ende andere Amoureuse Liedekens seer vermaeckelijck voor alle Ionge Lieden

[O Roosken root // o peerle jent]

Stemme: Alst beghint.

O Roosken root // o peerle jent
liefken minjoot, daer ic on lijd torment
schoone Goddinne ic blijf geschent
Want myn lijden is sonder ent,
Nacht ende dach, doe ic gheclach voorwaer

[p. 136]

 

Om dat ick scheyd’ van u, o maecht eerbaer

 

Moet ick nu scheyden. ist nu den tijt

 

Sonder verbeyden // ofte respijt

 

Mijn hart van droefheyt int lichaem splijt

 

Myn oochkens ick in stucken crijt

 

O scheyden fel, die my ghequel doet aen

 

K’en weet hoe dat icket sal connen bestaen

 

O wreede dach, ongeluckighe uer,

 

Dien ick oyt sach // ghy valt my so suer,

 

Want tdunckt my te zijn teghen natuer

 

Dat ick nu moet o maechdeken puer,

 

Segghen adieu op een nieu, tot u

 

O bittere doot waer na so beydy nu

 

Princesse schoone dit wel versint

 

Ghy spant die croone, en zijt bemint,

 

want ick ben niet ghelijck den wint,

 

Ghy staet altijt int harte gheprent

 

Ick sal ghetrou, o schoon kerssou, nu zijn

 

Al valt my t’scheyden also groote pijn.

FINIS.