Nieu groot Amstelredams liedt-boeck

Inhoudende Alderhande Tafel, May, ende andere Amoureuse Liedekens seer vermaeckelijck voor alle Ionge Lieden

[Geneucht heb ick ghepresen]

Op de wijse: Schoon lief wat gaet ghy brouwen.

Geneucht heb ick ghepresen
T’was al mijn tijt verdrijf
Waerom macht nu doch wesen
Dat ic kso niet en blijf,
Maer dat ick nu vol vresen
Onconstich van druck schrijf,

[p. 124]

 

V liefde daer ick na spore

 

Doet my gants door zijn macht, en als het rijpe coren

 

Verbrant door des Sons cracht,

 

So gae ick nu verloren, door u fierheyt onsacht

 

Die my wel verblyden

 

Die moet ick nu vermijden

 

Iae haer gantschelijck ontvlien,

 

Ghy gaet het my verbien, u schoonhz doet my glijdenÉn in u liefde steyden

 

Want in u is alleen, dat ick plach so ic meen

 

Aen anderen te sien.

 

Ick ginck ghy slechts aenvaerden

 

den boge in u hant, Diana sout ghy waerden

 

Maer droecht ghy t’hert dat brandt

 

So waert ghy op der aerden

 

Venus selve playsant

 

Nochtans ginghen dees haer paren

 

Elck met zijn Lief besint, die ooc der muse snaren

 

Waren heel onbekent,

 

So meucht ghy oock voortvaren,

 

Ws ghelijck men niet en vindt

 

Cloeck verstandt en schoonheden,

 

Frayheyt en soete zeden,

 

Ionst, const ende practijck

 

Daer toe van goede rijck, heeft natuer noyt geleven

 

Om hoochmoet te vertreden,

 

In een persoon ghelijck,

 

Dan die sin neemt een wijck

 

Nae sulck een is geen kijck

 

Mijn lust my niet te chieren

 

want my alles mishaecht, ghy gaet u van my kieren

 

Daert t’herte jonste toedraecht

 

Ick moet met my droevich tieren

 

Want jaloesye my plaecht, ginc Iupiter te deghen

 

V schoonheyt mercken aen

 

Om lief met u te pleghen,

 

Wuert hy terstont een swaen, of in een gulde reghen

 

Verkeerde hy hem seer saen

 

O Goddin der goddinnen, wilt u doch nu besinnen

 

Vomt red my uyt onspoet ic val u lief te voet

[p. 125]

 

Wilt ghy gheen liefd’ beginnen,

 

Lijdt dat wy u beminnen

 

Want Thalia die doet versachten myn gemoet

 

Daer liefde vast in wroet

 

Snachts gaet mijn druck verfellen,

 

Onrust die slaep verplet. my dunct te gaen u quellen

 

Om een kuiken altemet

 

Je cant niet al vertellen, wat dat ic noch droon bet

 

Al zijdy uyten ooghen,

 

Ghy zijt niet uyt mijn hart, Liefd’ gaet my u vertoghen

 

Al zydy van my so vart

 

En doet my dan ghedooghen

 

Veel droefheyt ende veel smart

 

Als ick u huys aenschouwe

 

Daer ick als minnaer trouwe

 

Lief voor mijn medecijn, dick custe u aenschijn

 

En sie dat ick met rouwe, van u o schoone vrouwe

 

Verstooten ben met pyn

 

geen bitterrer fenijn, mach my op aerden zyn.

 

Ghy preest Princes certeyn

 

myn dichtkens fraye const, nu liefde niet wil lijen

 

Moet ick derven u jonst

 

Maer comt u by my vlyen,

 

Ick derf der Musen gonst

 

Wat u pleegh te behagen

 

Hebt ghy genomen me, droefhz gae tmy nu plagen

 

Dies is de const aen twee,

 

Die consten my verjagen

 

Door myn claghen ende wee,

 

O Phebe wilt my leeren u liere weer rontceren

 

Vernieut my inden sangh, op dat ick troost ontfang

 

Ghy o Venus vol eeren,

 

Wilt myn Lief schip ontmeeren

 

Stuert tot my haren gang,

 

Want met herten bang, ic daer seer na verlang