Nieu groot Amstelredams liedt-boeck

Inhoudende Alderhande Tafel, May, ende andere Amoureuse Liedekens seer vermaeckelijck voor alle Ionge Lieden

[Aen siet uwes dienaers staet]

Op de wijse, Helaes ick lijde groote pijn.

Aen siet uwes dienaers staet
Schoon bloemkens wt ghelesen
Peynst doch eens hart hem gaet
Die van u absemt moet wesen,
Helaes wat isser grooter pijn
Dan van zijn lief absent te zijn.

Niemant dan ghy ter Werelt wijt

Mach ghenesen mijn smerte,
Want ghy lief alleens zijt

[p. 106]

 

Wt vercoren in mijn hart, helaes, etc.

 

Neemt doch dit exempel fraey

 

Van het Tortelduyfken reyn,

 

Alst verlooren heeft zijn gaey,

 

So vlieget altijt alleyn, helaes, etc.

 

Also isset oock met my

 

Gheen vreucht can my verblijden

 

Mijn jonck hart vol fantasy

 

Maer t’verheucht hen in zijn lijden, helaes, etc.

 

En nochtans dees pijne groot

 

Sou ick reyn patientelijck draghen,

 

Als ick wist mondeken root,

 

dat mijn dienst u mocht behagen helaes, etc.

 

Biet my schoon Lief u hant,

 

Helpt my doch wt vercoren,

 

Eer dat my den minnen brant

 

In dit lijden doet versmoren,

 

Dan sal ick van desen pijn

 

Eens te recht ghenesen zijn.

FINIS.