Nieu groot Amstelredams liedt-boeck

Inhoudende Alderhande Tafel, May, ende andere Amoureuse Liedekens seer vermaeckelijck voor alle Ionge Lieden

[Die soete coele mey, is ons ontdaen]

Op de wijse: Alst begint.

Die soete coele mey, is ons ontdaen
de bloemkens menigherley
So genoechelijcken staen,
Sy staen belaen, metten dou seer menichfout,
laet ons spanceren gaen, al in dat groene wout,

Die vogelkens ionck en out,

Sy maken groot gheluyt,
Alsoomen hier aenschout
Al in des meys firtuyt, want loover en cruyt
Staet seer playsant, dat wter aerden spruyt,

[p. 91]

 

Is tijden mey gheplant

 

Dat uyt der aerden spruyt

 

Maect ons hier verheucht,

 

Neemt u lieffste Bruyt

 

en troostse als gy meucht,mz vrome deucht

 

Staet alle druc al vander hant

 

Al met solaes en vreucht

 

So is ons den mey gheplant

 

Laet ons de tafel doen decken

 

Capoenkens doen braden,

 

Yvoor ras doen lecken, dat is Venus raden,

 

Dat zijn de selfde zaden

 

Al van een roosenboom

 

Nu pluckt van Venus bladen

 

En draechter af gheenen roem.

 

Noch soecken wy practijcken

 

Van alle dese saken, dat is te Rethorijcken,

 

Te schermen of te schaken

 

Bancketten te maken,

 

Al na ons eygen appetijt,

 

dat zijn de selve saken, die Venus hier belijt