Nieu groot Amstelredams liedt-boeck
(1605)–Anoniem Nieu groot Amstelredams liedt-boeck–
AuteursrechtvrijInhoudende Alderhande Tafel, May, ende andere Amoureuse Liedekens seer vermaeckelijck voor alle Ionge Lieden
Op de wyse, allemange de son AlcheseVrijster.
Wie zijt ghy die door minnen
Ghequelt zijt dus van binnen
Ick bidde u dat ghy verclaert
Con ick weten uwe sinnen, vonfoort sout ghy gewinnen
T’moet u zijn gheopenbaert
Om sulcx roept ghy die door, sal die in uwen noot
Wesen u Medecijn
Certeyn u pyne groot
Sal dan verdobbelt zijn
Vryer.
Soud ick om den doot niet roepen
Ghy en acht niet op myn pyn
Met myn bloet wil ick u copen
Als piramus dede sijn
Want ghy en acht niet op myn lyden
D’welck is groot,treur ick droevich ghy zijt blyde
Lief minjoot.
Vrijster.
Stout zijt ghy int begheeren
Ghy gaet my molesteeren
| |
[pagina 56]
| |
Met woorden dit versint
O Iongelinc vol eeren, segt my sonder cesseren
Waer toe dat ghy my bemint
Men vinter meer als myn, die daer een medecijn
Haer minnaers zijn ghetrou
Daerom so raed ick dijn
Kiest voor myn een ander vrou
Vryer.
Of daer stont een Hof vol bloemen
En daer was een Excellent, in u sinnen uyt genomen
Stont geen schoonder daer ontrent
welck van allen soudt ghy trecken Antwoort vry
Deese vrage wilt ontdecken, liefste my.
Vrijster.
O listicheyt vol trecken
By u liefde gheleken, noyt hoord ick sulcken vraech
Antwoort sal niet ghebreken
Die waerheyt sal ick spreecken, nae de best ick altijt jaech
Al valt mijn pijne swaer,
De beste sou ic daer, uyt trecken metter daet
Dander sou ick voorwaer.
Laten staen, dit wel verstaet.
Vryer.
Ick danck u Princesse reene
Dat dees vraghe is ghesolveert
Ghy zijt de bloem die ik meene
Die van my meest wort gheeert
Want gheen schoonder in myn sinne
Stont int Hof, mocht ick u int eynd’ gewinnen
Godt creech Lof.
Vrijster.
Princelijck Lief ghetrouwe
Van u gheen ander vrouwe
Nu ter tijt laet zijn bekent
Naest Godt ic op u houwe
En u voor myn lief houwe, want ic u heb besindt
op hoop leeft voordat, qua clappers laet gae’n’
Schuldich zijt int al, ick hoop dat Godt seer saen
Ons te samen voeghen sal.
FINIS. |
|