Nieu groot Amstelredams liedt-boeck

Inhoudende Alderhande Tafel, May, ende andere Amoureuse Liedekens seer vermaeckelijck voor alle Ionge Lieden

Tafel-Liedeken,

Op de wyse: Het voer een Maechdelijn over Rijn.

Hey laey ons singhen tot ons gherief
En laetse treuren die haer schoon lief
Niet moghen sien noch spreecken
wy moghense sien en spreecken
Wat macher ons nu ontbreecken, ontbreken

Schoon liefgen hoe zijt ghy dus treurich van sin

Of isser u liefgen te Zeewaert in
Dat ghy hem moet ontbeeren
Hy moet u oock ontbeeren
Dat sal hem wel weer doen keeren.

Moy Meysgen zijt ghy u boelken quijt

Of meent ghy dat hy een ander vryt
En ghy hem sult verliesen

[p. 41]

 

Soo ghy hem sult verliesen

 

Hier meught ghy een ander kiesen.

 

Princesse dit kroesken met koele wijn

 

Dat drinck ick ter eeren een Meysgen fijn

 

Om aen mijn liefd’ te dincken

 

Om aen myn liefd’ te dincken

 

Soo sult ghijt oock voor hem drincken.