Nieu groot Amstelredams liedt-boeck

Inhoudende Alderhande Tafel, May, ende andere Amoureuse Liedekens seer vermaeckelijck voor alle Ionge Lieden

Dans-lied,

Op de voys: Wie wil horen een nieuwe Liedt? Wat te Gent is gheschiet

Wilt ontspringhen, na myn hoort
Ic sal u singen t’oude spreec woort
Hoe wijn en schoone Vrouwen
Tgeselschap by een houwen

[p. 31]

 

Verdriet, en smart, uyt sinnen hart

 

Alsoomen mach aenschouwen,

 

Deur hun verdreven wert.

 

Wel is waer, dat wijn verblijt

 

Spel, en snaar, dansen met vlijt

 

Oock sanck niet om verschoonen,

 

Kan veel vreuchden betoonen

 

Maer Vrouken Ieucht,

 

Noch meer verheucht

 

want onghelijcke persoonen

 

Maken de meeste vreught.

 

Dies tghesicht, op dander siet

 

En verlicht, de harte yet, ghelijck de roode roosen,

 

Doet het de wangen bloosen

 

Schaempt, liefd ontdeckt, eer, lust verweckt

 

Maer het hert grontlijck is koosen

 

Tot meer begeerte streckt.

 

Prince.

 

Al het geene voor verhaelt

 

Baert ghemeene, onghefaalt

 

Niet dan te meerder pynen,

 

So elck mach bevynen

 

wie bevon’ oyt, t’hert vol verstroyt,

 

Dan achter die gordynen

 

Daer wertet spel volsoyt.