Nieu groot Amstelredams liedt-boeck


Tafel-lied
Op de wijse: Die lustelijcke Mey Gheene dits klaar, verheughen haer Dan die vreucht mede brenghen In gelijcke schaar, verblijt te gaar Wtte lustich vooren singhen Elck cloecke voecht sich na den tijt: Deuchdelijcken uyt ghelaten zijt Wanlust maeckt kost verlooren Dies laet ons vreughd’ oorbooren Wt sorghe spruyt, gheen bly gheluyt, Droefheyt moet vreuchde derven wat schrict doet uyt, smaect vreuchts virtuyt Daer nut sult ghy verwerven, Die den klappaar ’t minste vreest Pynicht en doodt hem aldermeest wy scheyen niet voor morghen Dus laat Fiolen sorghen. Een yder sal, met bly gheschal, Sijn naeste dienen vooren Ghy Vryers al, wilt in dit dal, Liefs jonst met dienst becooren: D’ooghens die ghy haer werpt toe Neemt sy uyt reynder harten int goe Croeskens wilt haer toe drincken En vreuchdigh kuskens schincken. Prince. Die wijngaerd ranck, dies elck haer danc Verfrayt met wijn het herte Den soeten sanck, snaren gheclanck, Bevrijt t’ghepeyns voor smerte Doch boven wijn ende Muzijck, Verheughen des Vroukens innerlijck, Des doen de vreuchde rijsen: Men kanse niet vol prijsen. FINIS.