Nieu groot Amstelredams liedt-boeck

Inhoudende Alderhande Tafel, May, ende andere Amoureuse Liedekens seer vermaeckelijck voor alle Ionge Lieden

[Laet ons ghemeen]

Op de wyse: Ick seg Adieu.

Laet ons ghemeen
Met vreuchden triumpheren
Droefhz verteeren, soet quelen jubileren
Die zijn vergaert in dese feest
En laet ons singen onbevreest
Minst en meest, in die fooreest
Dees Vrijsters teer ter eeren.

Hier is den most

Gheschoncken in goude schalen
Denckt niet wat cost ons weert sal betalen
Elck dien die hy vercoren heeft,
Dat ghy hier vindt te voren gheeft
Om niemant beeft, maer wilt beleeft
Gheneucht en vreucht voort halen.

Ghelijck seer fraey

Die rooskens staen en bloeyen
Ontrent de may, so zijn wy nu int groeyen
Daerom ghebruyckt heel vry u jeucht
Singt en springt, hanteert gheneucht
Gheschickte deucht, terwijl ghy meucht
Den tijt sal ons besnoeyen.

Princen ontrent

V Lief seer fier gheseten
V oochgens went, na haer als elck eten,
V liefd altijt eerlijck bedeckt
Vrolijck gheneucht en vreucht verweckt.
Speelt, jockt en geckt, siet wat ghy spreeckt
En wilt droefheyt vergheten,