Nieu groot Amstelredams liedt-boeck


Een vrolijck gheselschap Liedt Hoe sitten wy aldus stille te swijgen En connen nu gheen vreuchde bedrijven, Begint ons de wijn int hooft te styghen wy sullen wel meer coragie cryghen Fris vrolijck, vroom en eerlijck Isset anders so ist beswaerlijck Acht niet wat die clappers beniet Alst met God en met eeren gheschiet Het stept sich wel Vrou ofte Man Die den tijt wel dienen can Begheeft sich daerom op sulcken baen Desghelijcken ist vermaen Vrolijck vrolijck met manieren Wie sal ons dit moghen kieren Als het roemt uyt shartsen gront Dat wy belyen metten mont. Gheen beter dinck op deser werelt Dan die zijn hart te vreden stelt Betrout niet seer op vrient, op ghelt En laet niet loopen uytet velt Vrolijk, vrolijck sonder trueren Wiet ghevalt die moetet besueren
[pagina 13]
Laet ons van herten wesen vroe En drincken malcander eens vriendelijc toe En hebben wy niet een goede Weert Hy doet al wat ons hart begheert Vreuchde hanteren, doet my vermeeren Hy acht oock niet, wat wy verteeren Met den vrolijcken wesen vrolijck Metten smadelijcken isset onmoghelijck Hebbet metten sotten ghedult Sy en weten niet beter, sy en hebben geen schult