Eenen nieuvven Antwerpschen liekens-boeck



[pagina 49]
En roept om wraeck aen Venus Kindt Dat hy de alderliefste plaecht En maken dat sy hem bemindt.
Wraeckgierighe Minnaers clacht. Op de Wijse: Amant si tu scauois. VEnus soete Goddin Wilt doch u kindt ghebieden Dat hy na mijnen sin De quellingh vande min Laet aen mijn lief gheschien. ’T gheen dat ick heb gheproeft Laet haer dat oock ghevoelen Maer wilt my niet en toeft Oft ick blijve bedroeft Van uwen brandt vercoelen
[pagina 50]
En willet achten niet Cupido Godt der minnen Dat ghy u quellingh siet Druck pijn en swaer verdriet Gaet aen een vrou beghinnen. Sy heeft wel verdient Wilt haer alsoo gheraken Dat sy gheheel ontsint Om dat sy haren vrient Door ontrou ghinck versaken Laet haer u Tiranny Als Biblis oock becoopen Oft als Daphne die ghy Voor Phoebus aenschijn bly Deur u cracht deet loopen. Ick bid u Venus wicht Wilt in u Const niet falen Spant uwen Boghe licht En schiet met uwen schicht Haer hert vol wreede stralen. PRINCE. Adieu Princers ontrou Seer wijt van my gheseten Een ander sal ick nou Gaen kiesen tot een vrou En u daer me vergeten. Rust in vrede.