Eenen nieuvven Antwerpschen liekens-boeck



[pagina 23]
Cupido het crachtich kindt Schier al de Goden overwindt.
Een nieu amoureus Liedeken, Op de vvijse: Lest sou ick uyt vermeyen gaen. O Cupido cleyn Venus kint Hoe toont ghy u ghewelt Die al de Goden overwint En meest blijft int velt Met recht zijt ghy de croone weert Den schepter oock daer by, vry Want boven Iupiter expeert Hebt ghy de heerschappy. V heerschappy en groote cracht Bleeck aen Phoebus idoon Wanneer hy liep met groote macht Naer Daphne overschoon
[pagina 24]
Inde Jonghe teere maeght Quam oock in swaer verdriet siet Siringa wiert van Pan gheiaecht Verkeerden in een riet. Calisto quam in swaer verseer Door Iupijns stout bedrijf Bedrieghelijck nam hy haer eer Noch wert sy van het wijf In eenen Beer ghetransformeert Mercuri metter daet, gaet En heeftse niet ghevioleert V cracht quam noyt te laet. Mars sachmen oock door u opset Met Venus houden spel Perseus heeft oock verplet Het Zee Monster seer fel, Pyramus ende Tisbe ient Lieten haer leven fier, hier Daer Cupido sijn pijltiens sendt. Blaeckt men int minnen vier. Adieu ghy princelijcken Godt Die eerst wijt ende breet, Pluto volbrocht oock u ghebot Al was het Ceres leet, Wanneer hy Proserpina ras Ghinck halen uyt het dal, smal Daer sy die schoone bloemkens las V cracht gaet boven al. A.V.B. Rust in Vrede.