Neerlandia. Jaargang 40

Ingezonden

Nie van gen. Hertzog nie.

In die Junie-uitgawe van Neerlandia kom daar 'n aanhaling voor onder ‘By het tweede Lustrum van het Vlaamsch Economisch Verbond’ wat onjuis en 'n belediging is vir 'n baie groot deel van ons volk en wat reggemaak moet word, veral met die oog op die huidige toestand van verkragting van onse taalregte een die taaldiens. Die woorde (ek wil amper sê die goddelike gesegde van 'n heilige man wat nie toegepas kan word op baie van ons hedendaagse politisie nie) wat Dr. van Broekhuizen, volgens u verslag, toeskryf aan generaal Hertzog, is nie van Hertzog nie, maar wel van wyle onse volksheld, Generaal Christian de Wet. Hy is dit wat gesê het dat hy ‘liewer met sy volk op 'n mishoop is as in die paleis van die grote teen sy volk.’ Hierdie woorde, wat in die geskiedenis van ons volk sal voortleef as 'n lei-ster, is uitgespreek deur Generaal de Wet in die Prinsesse Park te Pretoria, op 'n letterlike mishoop na generaal Hertzog uit

[p. 214]

die Botha Kabinet geskop is en nie daar uitgestap het nie. Generaal Hertzog was nie op die mishoop nie, maar wel in sy woning waar hy die perdekommando met Generaal de Wet aan die, hoof afgewag het.

In genoemde park was geen verhoog vanwaar die Generaal ons kon toespreek nie en so is gebruik gemaak van 'n mishoop van 'n voet of ses hoog wat daar vergaar is vir bemesting van die park. (Ek haal dit aan omdat daar persone is wat die ‘mishoop’ as 'n miete beskou. Ek was een van die perdekommando en daar is nog baie oor in lewe wat ook tegenwoordig was).

O.

Bloemfontein, 11 Julie 1936.

11 Julie 1936.